MOO MOO

營業中

休息中

星期五收工之後路過觀塘，見呢間食漢堡包嘅小店見裏面都好多人，就同朋友入去試吓。門口有幾張枱，吸煙嘅朋友可以坐係出面呼吸新鮮空氣。收工時間都好多人happy HOUR，見有啤酒又有食薯條食，都好受歡迎。是次我哋點左一個芝士肉醬薯條，還有店舖推介嘅經典漢堡以及鹹蛋雞扒漢堡，因為未曾見過咸蛋扒，覺得咁得意就點個試下。經典漢堡有好厚既安格斯牛扒，肉質入口鬆軟，其中都有芝士、蕃茄及生菜。漢堡是即叫即做的，所以煎扒的香味已經好吸引。D漢堡都大大個，我食一個都已經好飽，我最愛佢個包，有牛油味而且煎白左，脆脆地，有好口感。正過一般平價快餐漢堡好多，真係一分錢一分貨芝士肉醬薯條新鮮炸起脆卜卜，好香口，而且都比我想像中大碟，好味呀。呢個就係Salted egg chicks burger，黃金蝦既做法，其實真係好特別，不過朋友就覺得咸左D，又或者店家都真係用左好多咸蛋。口感都幾特別，呢個中西FUSION我好欣賞。總而言之，都是一家令人好有驚喜的小店，收工落來飲杯BEER再食下小食，又同朋友吹下水都是一個幾好的減壓之選。見旁邊的客人食個小食拼盤都好似幾吸引，下次又可以來試下先。