茶涮涮 (已結業)

啱啱同朋友睇完戲，冷氣開到好凍🥶，要揾間嘢火鍋暖下，係出面就見到入面嘅裝修好靚好簡約，睇到個Menu個set又有刺身又有和牛咁🤤🤤，好吸引咁就入咗去。個set有活蠔同刺身，一啲都唔馬虎，蠔肉飽滿，刺身口感細膩👍🏻👍🏻和牛雪花紋一睇就知高汁，將佢放入鰹魚昆布湯鍋 ，涮一兩分鐘就啱啱好，好快就熟，放烏賊丸、海老丸入去煮，湯汁已經入曬味，個湯好足料😋 季節野菜盤更係點睛之筆，入面仲有蜂巢豆腐，好特別，會吸曬啲湯汁☺️我同朋友一個揀稻庭烏冬，一個揀咗醬油月見飯。作為稻庭烏冬愛好者嘅我要大讚，係呢個天氣食到冰冷嘅烏冬，爽！😍😍另外一樣要讚嘅係上菜速度幾快，好快齊餸影相😎