影片
更多
2012-04-29
50 瀏覽
係你認識呢間店之前，我想大家家明白一樣野，呢間唔係湯麵店，如果你係一心想食湯麵的話，你可以唔駛入去啦。以我理解，沾麵的食法應該係將麵條浸落一碗另上的湯到，跟手立即將麵啜入口，等湯可以掛係麵條上，一併享用。所以沾麵的湯底係較濃味的，如果你當佢係一碗湯咁飲，除非你本身係一個超級咸蟲，唔係必定係唔好味的。其實店家已經有一份好詳細的說明，但係我都唔明好多都仲當佢係湯麵咁食。將d麵夾晒入去碗湯到，再慢慢品嚐。咁結果咪太咸囉，轉頭係openrice就有人話呢間野的湯底太咸，唔好味云云…唉…成間鋪得三種麵賣，白伝、黑伝和赤伝。 基本上都係主得豬骨湯底，不過就加入唔同的配料，令到味道唔同。我幫襯過兩次，只欠赤伝未品嚐過。白伝係傳統的豬骨湯，有濃厚的豬骨湯底味道，配上內裏的牙菜，夾到麵上再一同沾上湯汁，呢個食法爽口彈牙。當然，只係麵同沾湯的配合亦非常好，掛上適當的湯汁，入口感受到豬骨湯但不會太咸。麵條係我喜歡的幼麵，彈牙煙韌，而且正式開業之後亦無早期太碎的問題。麵本身係少少涼的，給你配合熱湯掛麵而食。根據店家所講，麵係佢地每日自製的，所以每日可以賣的數量亦有限。不得不提的是佢個叉燒非常好食，肥瘦的分佈配
以我理解，沾麵的食法應該係將麵條浸落一碗另上的湯到，跟手立即將麵啜入口，等湯可以掛係麵條上，一併享用。所以沾麵的湯底係較濃味的，如果你當佢係一碗湯咁飲，除非你本身係一個超級咸蟲，唔係必定係唔好味的。
其實店家已經有一份好詳細的說明，但係我都唔明好多都仲當佢係湯麵咁食。將d麵夾晒入去碗湯到，再慢慢品嚐。咁結果咪太咸囉，轉頭係openrice就有人話呢間野的湯底太咸，唔好味云云…唉…
成間鋪得三種麵賣，白伝、黑伝和赤伝。 基本上都係主得豬骨湯底，不過就加入唔同的配料，令到味道唔同。我幫襯過兩次，只欠赤伝未品嚐過。白伝係傳統的豬骨湯，有濃厚的豬骨湯底味道，配上內裏的牙菜，夾到麵上再一同沾上湯汁，呢個食法爽口彈牙。當然，只係麵同沾湯的配合亦非常好，掛上適當的湯汁，入口感受到豬骨湯但不會太咸。
麵條係我喜歡的幼麵，彈牙煙韌，而且正式開業之後亦無早期太碎的問題。麵本身係少少涼的，給你配合熱湯掛麵而食。根據店家所講，麵係佢地每日自製的，所以每日可以賣的數量亦有限。不得不提的是佢個叉燒非常好食，肥瘦的分佈配合得十分好，咬落口係有肉汁同有豬肉味的。唔似好多拉麵店，塊叉燒薄過紙，食左好似無食咁。而且佢會燒一下塊叉燒，更加加重了其香味。呢度的筍更加係一流，應該係我暫時食過香港拉麵店中最好味的。
蛋呢…不提也罷，唔食無損失，食左無驚喜囉…
而另一碗我食過的係黑伝，麵同配料唔講，都係一樣的。但係湯就係豬骨外加入左黑蒜，我個人就不太喜歡，香係香左好多，但係味道太重，而且甚為苦，就算加左湯都仲係太濃味。不太推薦。最後你食完時店員會為你加入豬骨湯，稀釋濃湯，呢個時候你就可以一口氣把美味的湯飲完，享受整個沾麵之旅。
不過來呢度要有心理準備，座位不舒適，而且係零裝修的一間店，如果你有靚靚日本情意結，那你亦可以不來了。如果你想食一碗好麵，呢度幫到你。畢竟，係香港有心做飲食的食店太少了，隱家我認為佢係其中一間。
張貼
