影片
更多
2014-07-10
3990 瀏覽
6月中先試食過Dalloyau 的macaron 同埋pastry, 味道一試難忘!估唔到甘快有朋友提議到Dalloyau 入面的法國餐廳 - EPURE試菜, 正! 經過Dalloyau 既零售店同埋Afternoon Tea 既位置, 我地穿過一道金色玻璃門入到去EPURE.一眼望落去, 成間餐廳既裝修好高貴雅緻, 雖然玻璃門、傢俬或者牆身都帶有金色既設計, 但唔會覺得俗套, 而最吸晴既地方係牆上既圖畫.圖畫以森林為主題, 我地仲見到有唔同既小動物，好似鹿、兔仔, 加上畫有陽光透射入森林, 都幾真實.都係講返正題! 我地4個人都選擇左8-course tasting menu.打頭陣有3款餐前小食, 全部bite-sized, 有清清味蕾之效! 特別想介紹Amuse Bouche 黑櫻桃凍湯, 個人本來只鍾情熱湯, 但呢個黑櫻桃凍湯唔係好凍, 而且酸酸地, 好開胃, 侍應特別叫我地飲既時候可以連埋底部既芝士一齊飲, 真係好好味, 令我對凍湯既睇法改變左!foie gras de canard 冷熱鵝肝兩食 (凍批及香煎)配法國啤梨、焦糖汁鵝肝配以麵包完全唔膩, 而且冷熱兩種食法有
估唔到甘快有朋友提議到Dalloyau 入面的法國餐廳 - EPURE試菜, 正!
經過Dalloyau 既零售店同埋Afternoon Tea 既位置, 我地穿過一道金色玻璃門入到去EPURE.一眼望落去, 成間餐廳既裝修好高貴雅緻, 雖然玻璃門、傢俬或者牆身都帶有金色既設計, 但唔會覺得俗套, 而最吸晴既地方係牆上既圖畫.
圖畫以森林為主題, 我地仲見到有唔同既小動物，好似鹿、兔仔, 加上畫有陽光透射入森林, 都幾真實.都係講返正題! 我地4個人都選擇左8-course tasting menu.
打頭陣有3款餐前小食, 全部bite-sized, 有清清味蕾之效! 特別想介紹Amuse Bouche 黑櫻桃凍湯, 個人本來只鍾情熱湯, 但呢個黑櫻桃凍湯唔係好凍, 而且酸酸地, 好開胃, 侍應特別叫我地飲既時候可以連埋底部既芝士一齊飲, 真係好好味, 令我對凍湯既睇法改變左!
foie gras de canard 冷熱鵝肝兩食 (凍批及香煎)配法國啤梨、焦糖汁鵝肝配以麵包完全唔膩, 而且冷熱兩種食法有不同既味道及感覺.
右上角貌似"香煎帶子"既係法國啤梨, 經過煎煮後, 啤梨既甜味釋放出黎, 好香甜!
asperges vertes du Vaucluse 烤法國沃克青蘆荀、燜羊肚菌、烏賊個人對芝士只係一般, 見到呢片"芝士", 心諗"哎呀!". 經侍應介紹, 原來大廚將烏賊壓成蓉變成呢塊"烏賊片", 呢個功夫令我喜出望外, 而且口感好香軟. 起初睇落去餡料好少，點知食落去好似好多甘, 有蘆荀、羊肚菌同埋烏賊粒.
le vol au vent 酥化千層皮配炙燒小龍蝦、精選時令鮮魚、甘草汁汁料較為濃味，千層皮帶有中和既作用! 呢個千層皮真係一流, 係甜品大廚用秘方以最少既牛油做既, 但咬落真係好酥化, 我地異口同聲都讚好味!
canard de Challans & peche 烤焗法國沙朗鴨配水蜜桃、胡蘿蔔慕絲茸沙朗鴨烤到啱啱好, 無血水, 完全唔靭
lananas 北非"蘭姆賓治"菠蘿配大地雲呢拿、鮮茅屋芝士雪葩食過DALLOUYAU既macaron 同埋pastry, 當然對晚餐既甜品充滿期待 & 信心啦!
上面的薄脆好好味, 而且鋪有菠蘿粒, 配埋鮮茅屋芝士雪葩, 哇...好fresh呀! 而且有不同層次既口感!
le souffle au Grand Marnier 橘香干邑梳乎厘配橘子雪葩雖然個人唔多飲酒, 而且呢個梳乎厘充滿干邑既酒香, 但完全唔會令我好抗拒, 加上一冷一熱, 配有橘子雪葩, 雙重享受!!
呢一餐高級法國餐令我地好滿足, 大家都捧住個肚離開!!
題外話/補充資料：
我地為左令成餐飯更完滿, 在侍酒師介紹下, 我地選擇左支較易入口, 甜D 既DALLOYAU champagne, 原來DALLOYAU 有3款自家品牌的champagne, 大家下次都可以試下, 如果鍾意既話,, 仲可以在DALLOYAU 買到添!
(以上食評乃用戶個人意見 , 並不代表OpenRice之觀點。)
張貼
