餃里 (悅湖商場) (裝修中)

因為禁夜晚堂食，日日都煩惱煮乜好，諗起屯門碼頭個邊有間食餃子嘅，一直想幫襯好耐，所以就專程搭車去光顧，買黎今晚打邊爐。店舖小小，裝修簡樸，再加上幾位煮食嘅姐姐，整間店給一種好踏實好本土好香港嘅感覺。所有餃子全人手製作，款式選擇也很多，既可以食湯餃，也可以食煎餃。生餃（韮菜 + 椰菜）- 粒粒都大大隻，好足料。一啖一粒，肉同菜平均分布，好豐富。生餃 （泡菜 + 紫菜）- 泡菜餃好好食，好夠味，令人很回味。紫菜餃也很好。芝士粟米煎餃 - 味道也很不錯，但芝士味再濃厚啲就會更好。店門外有一些關於這家餃里的小書冊，冊內記錄小量老闆開店的心路歷程，以及一些經營餃子店和製作餃子的感受，值得大家細心觀看。