宮葉 パフェ (已結業)

脫完毛又嚟到宮葉食晚餐啦！貪佢價錢優惠，食物質素高所以成日都會嚟！今日又凍冰冰，所以就嗌左個日式豬排拉麵($54)🐽🐽 湯底有d豬骨味，又唔會好咸，而麵質就普通，偏硬身嘅！炸豬扒就幾脆口，如果外面粉層可以薄d更好啦！之後就嗌左最邪惡嘅日式精選抹茶芭菲！($50)👘👘👘 真係好大一杯，而且非常豐富！上面抹茶雪糕好重抹茶味，所以食完會有d回甘，而且唔太甜，好適合怕甜嘅人！上面嘅蕨餅亦好出色，極濃抹茶味，配上雪糕食仲可以中和番💁🏻 去到下面就有各種生果，最欣賞哈密瓜，好清甜😛😛 甜點真係佢必食，可以再戰多幾次！