影片
更多
2021-04-23
90 瀏覽
世界上有咩幸福得過食咗好好味嘅一餐，每當我覺得人生好lost嘅時候，就會想食返餐好嘅獎勵下自己又捱過咗辛勞嘅一日。依日我就係SUSOSHU重拾返幸福嘅感覺🥰⭐️献立 $1480• 鯛魚酒盜最中餅酒盜故名思義就喺好適合配酒嘅意思。依度嘅酒盜係採用咗鯛魚魚腸，經過清酒同鹽嘅醃製後幻化成鹹鮮可口嘅小食，配合自家製嘅cream cheese同鬆化嘅最中餅一同食用，口感同味覺雙重享受✌🏻• 刺身~貝是日貝類刺身為室津縣產生蠔，據我所知，日本蠔味道通常偏淡，而依款蠔嘅味道則鮮甜澎湃，肉質厚身Creamy，配以適當酸汁調味確實唔錯😋• 刺身~魚魚類刺身方面選用左春季當造嘅白身魚🌸🐟真鯛配烏魚子：魚味低調淡雅，配烏魚子突顯鮮味😳🐟岩鹽火炙金目鯛：金目鯛本身味道甘香，因此唔需要太過花巧嘅調味，簡單火炙已經very good😚🐟飛魚配薑絲：肉質柔嫩得令人驚喜，同薑絲搭埋一齊食都幾特別☺️• 鮑魚茶漬飯配香海苔混合咗櫻花蝦嘅飯呈現粉紅色，面頭有綠茶泡泡，食之前先將南非鮑魚、鹿兒島海苔同芝麻放喺飯上，淋上茶漬湯即可享用，各種味道結合而成好似變魔法咁amazing🤣• 時令壽司 四貫壽司同樣採用當季食材，不時不食🐟
⭐️献立 $1480
• 鯛魚酒盜最中餅
酒盜故名思義就喺好適合配酒嘅意思。依度嘅酒盜係採用咗鯛魚魚腸，經過清酒同鹽嘅醃製後幻化成鹹鮮可口嘅小食，配合自家製嘅cream cheese同鬆化嘅最中餅一同食用，口感同味覺雙重享受✌🏻
• 刺身~貝
是日貝類刺身為室津縣產生蠔，據我所知，日本蠔味道通常偏淡，而依款蠔嘅味道則鮮甜澎湃，肉質厚身Creamy，配以適當酸汁調味確實唔錯😋
• 刺身~魚
魚類刺身方面選用左春季當造嘅白身魚🌸
🐟真鯛配烏魚子：魚味低調淡雅，配烏魚子突顯鮮味😳
🐟岩鹽火炙金目鯛：金目鯛本身味道甘香，因此唔需要太過花巧嘅調味，簡單火炙已經very good😚
🐟飛魚配薑絲：肉質柔嫩得令人驚喜，同薑絲搭埋一齊食都幾特別☺️
• 鮑魚茶漬飯配香海苔
混合咗櫻花蝦嘅飯呈現粉紅色，面頭有綠茶泡泡，食之前先將南非鮑魚、鹿兒島海苔同芝麻放喺飯上，淋上茶漬湯即可享用，各種味道結合而成好似變魔法咁amazing🤣
• 時令壽司 四貫
壽司同樣採用當季食材，不時不食🐟
🐟愛知縣白象拔蚌：口感厚實爽彈，味道比一般象拔蚌更鮮甜🤤
🐟愛媛縣蜜柑鯖魚：以愛媛縣名產蜜柑作飼料飼養嘅鯖魚，魚味濃厚0腥味，一試愛上🧡
🐟火炙右口魚：比起左口魚油脂更加豐盛，做到真正入口即化，我會形容佢係左口魚嘅昇華版🤭
🐟天然中拖羅：油花豐富且魚味濃郁，好出色😳
• 究極海膽
鋪滿北海道海膽嘅海膽熱狗，望落已經知道新鮮👍🏻冇落過多防腐劑而變得過乾，亦冇保存不當而變濕，就係完美新鮮嘅海膽😳食到鮮甜無比嘅海膽，嗰種幸福感不言而喻😳
• 豪快~和牛粒
用上A4熊本和牛粒，配搭加咗有馬醬油而成嘅最中餅以及自家風乾而成嘅廣島蠔乾，豪快取同音蠔塊😆
• 藏味噌漬龍蝦配龍蝦蛋黃醬
食到接近尾聲居然仲有大大份龍蝦，用藏味噌醃製後再先焗後燒，醬汁係用龍蝦頭膏製成，鮮味十足😏
• 十割蕎麥麵~冷
成個套餐裡面望落最簡單嘅菜式，味道卻一啲都唔平凡。以100%蕎麥製成嘅麵條，無添加任何澱粉，口感超級煙韌，真係第一次食到咁Impressive嘅蕎麥麵‼️麵汁用咗魚仔蝦仔蟹仔做，本來食到依到應該好飽，但係清爽嘅味道令人一啖接一啖😌
• 是日甘味
依個甜品有個好靚嘅名叫「夜空」，實物閃閃發光比相更加靚🧡藍色嘅部分係用咗蝶豆花，而透明嘅部分就用咗氣泡清酒製成，清新微酸嘅味道同啱啱偏濃味嘅菜式形成強烈對比，以此道甜品作結適合不過😋
整體黎講我會覺得佢哋每一道菜都好有亮點，基本上搵唔到咩可以挑剔嘅位，而且上菜時間掌握得好好，唔會等得太耐又唔會感覺好Chur，價錢喺晚市omakase黎講算親民，好值得試😳
張貼
