幸福堂 (已結業)

老老豆豆，台茶呢啲野唔係唔鐘意飲，而係唔會叫珍珠奶茶黎飲。記得上年，同朋友係某間又係台灣過江龍既台茶店買左杯好珍珠奶茶，從此以後就唔敢再叫同樣既野。。。因為實在係甜到我而家都記憶猶新。。。今次同朋友經過幸福堂，朋友話想飲野，咁我就叫左紅豆牛奶，特意問左有無得少甜，店員話無另加糖，咁我都放心少少。。。朋友就叫左鑽石台灣珍珠奶茶，無叫少甜，我當刻有啲忐忑不安。。。我杯紅豆牛奶雖然普普通通，只係煲淋左既紅豆加牛奶，但係佢紅豆煮得好軟糯，又無加太多糖落去煮，加上香濃既牛奶，就係簡簡單單無添加既味道。我試左幾啖朋友杯珍珠奶茶，就決定同佢交換半杯啦哈哈。點解呢？就係因為本身我以為會好甜唔好飲既野，竟然意外地好飲。首先奶茶無叫少甜都完全無出現死甜，難入口，而係正正常常，甚至我覺得係平時已經叫左少甜或者半甜既甜度，好順喉，飲落去好舒服。珍珠用左黑糖去煮，入口食到啖啖黑糖既香味，同平時啲台茶店食到既糖水味唔同。而且煮得剛剛好，又煙韌又唔會黏得太過份。好彩朋友叫我飲，我先可以對珍珠奶茶呢樣野改觀哈哈。等既時候見到有人叫左黑糖珍珠奶茶，相信愛甜既朋友可以點呢杯。而同我一樣鐘意無咁甜既朋友就可以叫番我地飲既鑽