小白鷺餐廳 (已結業)

昨天同個朋友去左大埔白鷺湖玩，個度景色有湖有山有水，估唔到香港仲有咁多小白鷺同小燕子飛來飛去，玩到餓就到佢地間小白鷺西餐廳食午飯。呢間環境餐廳清靜，靜靜地談心都唔錯! Set lunch有六個選擇，有紐西蘭T骨扖、紅酒燴羊膝、炭燒美國黑豚扖、鮮蝦蜆仔肉意大利飯，印度咖喱焗彩衣魚柳同巴瑪火腿蝦卷配田園沙律，價錢由98至118元，有湯有餐飲，加20元可以食埋個自助沙律吧添！價錢唔算貴。我鐘意食海鮮，所以揀左「印度咖喱焗彩衣魚柳」，仲加錢食埋沙律吧，我朋友要減肥，所以揀左「巴瑪火腿蝦卷配田園沙律」！我先食沙律吧，食物種類都ok，每樣要少少已經好大碟咯！我個「印度咖喱焗彩衣魚柳」用錫箔紙包住上，上到枱先用刀劏開，熱辣辣一陣香氣噴上來，好香的咖喱香料味道，舊魚好大好厚肉，唔太辣，但我喜歡撈多D汁送飯，稍嫌咖喱汁唔夠多，所以個白飯都食唔晒，如果多D汁我一定食得晒，加埋我食左沙律先，所以好飽！「巴瑪火腿蝦卷配田園沙律」就幾特別，通常PARMA HAM淨係配蜜瓜來食，但呢次係用火腿捲住隻蝦同蜜瓜一齊食，口感又唔同，味道清新可喜，友人話份量剛剛好，食完都唔怕肥！總括來說，本來我地第一次黎，對呢間餐廳都抱