水門雞飯 (百宜樓) (已結業)

今次同朋友行完山落咗黎呢一邊食飯，午餐時間都幾多人嚟食，店面就唔算話特別大，而且一入去就有食物嘅香味，令到人覺得好肚餓。-今次就叫咗個水門雞飯同埋一杯泰式奶茶，首先個飯係有些少嘅薑黃同埋有淡淡嘅雞味，同埋啲飯都係粒粒分明，唔會太碎。雞件嘅份量都幾多，而且啲肉質都幾滑唔會鞋，旁邊仲有個酸酸辣辣嘅汁可以攞嚟點，仲有兩片青瓜做裝飾，都幾開胃㗎。奶茶幾有泰式嘅風味，奶滑茶香，而且唔會太甜，亦唔會令人感覺喉嚨好唔舒服，而且啲冰亦都有冰鎮嘅感覺，最後佢附送嗰個胡椒辣湯，配飯食都幾好飲。-總括來講佢嘅價錢都還可以，如果可以坐得再舒服啲咁就更加好啦。