影片
更多
2006-09-02
26 瀏覽
第一次寫食評，希望各先進前輩多多指教。小弟不嬲都唔係好信名牌效應，因為我覺得食嘢好睇個人口味。人人話好的餐廳，我未必即刻幫襯，未係太出名的，反而會大膽嘗試，看看有冇驚喜。不過今次去了桃花園，的確值得一讚。為了慶祝娘親牛一，一家五口子今晚七時準時到了。因為已經訂位，不需要等。菜單也是預定好的，分別有1. 足絲雞螺頭湯2. 名蝦卷3. 蝦子柚皮4. 炆掌腳根5. 露筍班球6. 東瓜蟹蚶+椒鹽蟹蚶先講1., 個湯肯定冇落味精，用足料，味道好足而唔係濃個隻，而且我地每人差唔多每人三碗先飲得哂。2., 其中一樣令我驚喜的食物。出面炸得甘香的大腸衣，包裹著一小片露筍+一小片潤腸和鮮蝦，食落甘香+清甜+鮮味，不論口感和味道的層次感都十分好。3. 不需要我多講，招牌菜。但小弟並非柚皮的fans，不能詳細描述它如何好味。但見娘親食到連所有汁都撈哂落碗飯，淨係依樣已經可以令做仔嘅我，為佢加分啦！4. 好簡單的一味菜，說穿了只係蠔油炆鵝掌+豬腳根。但令我喜歡的是，D鵝掌+豬腳根炆得合到好處，唔係"林"到入口即溶，一夾即爛個隻。依然好有咬感但又唔使同自己D牙過唔去。加上D汁唔係好濃，清淡的蠔油味，好食！5.
小弟不嬲都唔係好信名牌效應，因為我覺得食嘢好睇個人口味。人人話好的餐廳，我未必即刻幫襯，未係太出名的，反而會大膽嘗試，看看有冇驚喜。
不過今次去了桃花園，的確值得一讚。
為了慶祝娘親牛一，一家五口子今晚七時準時到了。因為已經訂位，不需要等。
菜單也是預定好的，分別有
1. 足絲雞螺頭湯
2. 名蝦卷
3. 蝦子柚皮
4. 炆掌腳根
5. 露筍班球
6. 東瓜蟹蚶+椒鹽蟹蚶
先講1., 個湯肯定冇落味精，用足料，味道好足而唔係濃個隻，而且我地每人差唔多每人三碗先飲得哂。
2., 其中一樣令我驚喜的食物。出面炸得甘香的大腸衣，包裹著一小片露筍+一小片潤腸和鮮蝦，食落甘香+清甜+鮮味，不論口感和味道的層次感都十分好。
3. 不需要我多講，招牌菜。但小弟並非柚皮的fans，不能詳細描述它如何好味。但見娘親食到連所有汁都撈哂落碗飯，淨係依樣已經可以令做仔嘅我，為佢加分啦！
4. 好簡單的一味菜，說穿了只係蠔油炆鵝掌+豬腳根。但令我喜歡的是，D鵝掌+豬腳根炆得合到好處，唔係"林"到入口即溶，一夾即爛個隻。依然好有咬感但又唔使同自己D牙過唔去。加上D汁唔係好濃，清淡的蠔油味，好食！
5. 依個就一般啦！食得出用料新鮮，但煮法就同其他大酒樓冇吔分別。
6. 一樣係招牌菜，大大隻蟹蚶，幫你剝埋殼+完隻上。不過我懷疑係用急凍蟹蚶，因為冇吔鮮味。
另外見隔離檯叫了一個東瓜盅和明蝦球，好似好好味，下次會試吓。
服務方面，相當唔錯，大家去過都知，全店最多三張檯，兩個女待應，不過上菜分菜，要茶要水，埋單都相當快手。
至於每人幾錢，我只可抱歉講我真係唔知，因為次次家人食飯，梗無我份埋單。所以話，做細幾好。願娘親年年有今日！
張貼