影片
更多
2018-03-12
4795 瀏覽
期待左好耐嘅一餐日本菜~以九州佐賀為主題嘅fine dining, 終於都到喇~簡直開心到飛起!呢棟喺銅鑼灣時代廣場後面嘅商廈一啲都唔起眼~全靠我有個識鑽竉鑽罅嘅男朋友成日帶我搵好野食先搵到呢間新開嘅餐廳，抵讚!一上到餐廳~就會覺得同啱啱喺樓下 - 時代後街嘅鬧市好大對比~想讚下個cheesecake，雖然呢度主打佐賀日本料理，但聽聞有位師傅去過外國餐廳做主廚，有幾款拿手甜品，其中一款就係呢個比較soft嘅New York Cheesecake，甜味啱啱好，配埋個自製士多啤梨雪葩。芫荽沙律~唔中意芫荽嘅朋友包括我在內可能一聽個名就走夾唔抖，不過佢的而且確一啲都唔似香港食開果種芫荽，呢度出產自江口家嘅芫荽完全無臭青味，無好濃烈嘅芫荽味，食落反而覺得好清新、好脆，沙律裡面仲有清甜得黎帶少少辣嘅生洋蔥，配埋佢自家製嘅沙律汁酸酸地，完全唔覺自己食緊芫荽。先黎新鮮生蠔~佐賀黎嘅生蠔雖然無外國般creamy, 但佢氣味非常清新，蠔味非常濃郁，食完再飲啖soda water都仲有好大陣蠔味喺口腔度。烤雞腿肉~佢用純雞油煎嘅雞腿肉配自家製柚子醬，一啲油膩感都無不特止，仲好有雞嘅肉香味，煎完啲雞肉仲好嫩
呢棟喺銅鑼灣時代廣場後面嘅商廈一啲都唔起眼~全靠我有個識鑽竉鑽罅嘅男朋友成日帶我搵好野食先搵到呢間新開嘅餐廳，抵讚!一上到餐廳~就會覺得同啱啱喺樓下 - 時代後街嘅鬧市好大對比~
想讚下個cheesecake，雖然呢度主打佐賀日本料理，但聽聞有位師傅去過外國餐廳做主廚，有幾款拿手甜品，其中一款就係呢個比較soft嘅New York Cheesecake，甜味啱啱好，配埋個自製士多啤梨雪葩。
芫荽沙律~唔中意芫荽嘅朋友包括我在內可能一聽個名就走夾唔抖，不過佢的而且確一啲都唔似香港食開果種芫荽，呢度出產自江口家嘅芫荽完全無臭青味，無好濃烈嘅芫荽味，食落反而覺得好清新、好脆，沙律裡面仲有清甜得黎帶少少辣嘅生洋蔥，配埋佢自家製嘅沙律汁酸酸地，完全唔覺自己食緊芫荽。
先黎新鮮生蠔~佐賀黎嘅生蠔雖然無外國般creamy, 但佢氣味非常清新，蠔味非常濃郁，食完再飲啖soda water都仲有好大陣蠔味喺口腔度。
烤雞腿肉~佢用純雞油煎嘅雞腿肉配自家製柚子醬，一啲油膩感都無不特止，仲好有雞嘅肉香味，煎完啲雞肉仲好嫩好多汁。
中意飲兩杯嘅朋友可以叫黎佐酒。
侍應會好細心咁介紹menu, 務求令你知道邊款最啱自己口味先落單!
呢度環境寧靜得黎唔會太令你俱緊，想兩口子撐下枱腳或者一班朋友黎happy都得。
最後幫今餐畫上最完美嘅句號。
聽聞遲啲會做埋lunch有set, 到時一定會再黎!
張貼
