寶泰船麵

營業中

休息中

街坊住附近。聽朋友介紹試吓。午餐時段人唔係多，環境舒服。叫咗碗雞船麵，小食揀咗泰式酸辣皮蛋沙律，跟一杯香茅特飲。主角嘅船麵….靈魂一定係湯底。清甜，食得到好多湯底嘅材料淆出嚟，偏甜。俾兩隻雞髀仔，okay滑。個人覺得一定要加酸辣醬同埋辣粉，那種泰國味先至會出晒嚟，怕辣嘅不如唔好食。點講好呢？Fair啲睇，以佢嘅價錢我認為非常不錯。100蚊有小食有特飲仲有呢碗湯底。但係有冇嗰種驚天動地嘅震撼感覺？同灣仔藍屋嗰度嘅船麵差好遠。咁人哋收貴一倍價錢，仲攞埋米仔星星，嗰啖湯當然係完全兩個世界。暫時灣仔仲係全港最好食嘅船麵。個酸辣皮蛋沙律，其實幾有驚喜，鍾意辣嘅應該點。