卡莎338 (已結業)

Casa曾經、曾經、曾經係我同朋友好鍾意去消費嘅餐廳，佢以前個格調好好，牛扒又好食，我哋仲會開生蠔、飲啤酒。但係今日再幫襯，我發現店內衛生差咗好多。個地板癡lup lup，仲有一達達黑色污跡。我叫左杯熱奶茶，放左糖先發現杯邊好多白色污跡，我叫佢換過杯俾我，隻杯竟然仲污糟左。我飲一啖發現係甜嘅，原來佢根本冇換過杯新奶茶俾我，佢只係將舊嘅奶茶到落去新嘅杯（仲要新杯都係好污糟）明明以前呢間野又好食又好服務，點解而家會變到咁🌚 我食熟食都覺得好唔乾淨，所以都唔推薦大家食佢生蠔啦。