永華麵家 (已結業)

好耐冇去永華，今晚在演藝睇完表演，特登行過去， 為的當然是傳統美味雲吞麵。但不吃猶可，一吃就勁失望！！首先，麵質又乾又硬冇彈性，而且色澤灰暗冇光澤，麵條直徑比正常粗1.5倍， 我以為浸水發脹咗。大佬，我想食嘅係銀絲幼麵，唔係廣東梘水麵餅！第二，湯底淡左冇蝦和大地魚味，第三，碗麵嘅賣相不知所謂，好似一堆雜草，亂成一團！睇埋麵檔師傅做麵手勢，我以為佢係喺街邊大排檔做車仔麵呢！唯有雲吞尚ok。加上伙記態度又一貫咁差，賣$46一碗呀大佬， 唔係畀啲咁嘅貨色人呀！好明顯老細冇心機做，不如摺左佢啦，唔好破壞香港人對永華幾十年嘅印象！！（ 失望到冇心機影相添）