影片
更多
2013-02-20
142 瀏覽
首先 本身去之前有睇過食評 都知灣仔分店已經劣評如潮 但點都想一試灣仔店水準太差 對其他店亦唔會再有任何期望.事由: 早兩日叫佢地fax菜單過黎 訂好左12人1圍既$2288, 仲留左隻豬, 之後到果日去食飯啦, 點知個經理話呢d係舊菜單, 一早無哂, 又話要落訂, 又話今日先改菜單, 又今日先加價, 又問我邊個fax俾我, 未食已經把鬼火, 如果唔係食團年飯, 普通晚飯我一早就走人. 服務俾1分都嫌多.最後揀左個$3188餐, 因為碟碟都難以用文字黎形容唔好食, 所以無影過相, 得d乳豬飯可以放入落個口, 其他送菜第2間酒家一定高水準過佢第一味: 蝦禾米乳香豬差唔多價錢, 唔使諗, 我一定揀太興豬, 呢隻豬即收皮, 同我屋企樓下d細燒味鋪差唔多, 但人地只賣$400有找.第二味:蠔皇南非八頭鮑魚勁細隻重味精, 好食過香口膠咁啦富蠔大利花姑d蠔豉臭既, 半碟無人食翡翠螺片珊瑚呢碟最正常, 但份量少, 外觀差響螺菜膽煲豬肺重味精滾湯, 平時食廿幾蚊燒味飯送例湯都好飲過佢蝦籽柚皮海參呢碟都算係好食 海參爽, 但d柚皮都係難食開屏麒麟肉臘肉桂皇球呢碟我都已經唔記得咩黎 定已經無上到 d垃圾唔
灣仔店水準太差 對其他店亦唔會再有任何期望.
事由: 早兩日叫佢地fax菜單過黎 訂好左12人1圍既$2288, 仲留左隻豬, 之後到果日去食飯啦, 點知個經理話呢d係舊菜單, 一早無哂, 又話要落訂, 又話今日先改菜單, 又今日先加價, 又問我邊個fax俾我, 未食已經把鬼火, 如果唔係食團年飯, 普通晚飯我一早就走人. 服務俾1分都嫌多.
最後揀左個$3188餐, 因為碟碟都難以用文字黎形容唔好食, 所以無影過相, 得d乳豬飯可以放入落個口, 其他送菜第2間酒家一定高水準過佢
第一味: 蝦禾米乳香豬
差唔多價錢, 唔使諗, 我一定揀太興豬, 呢隻豬即收皮, 同我屋企樓下d細燒味鋪差唔多, 但人地只賣$400有找.
第二味:蠔皇南非八頭鮑魚
勁細隻重味精, 好食過香口膠咁啦
富蠔大利花姑
d蠔豉臭既, 半碟無人食
翡翠螺片珊瑚
呢碟最正常, 但份量少, 外觀差
響螺菜膽煲豬肺
重味精滾湯, 平時食廿幾蚊燒味飯送例湯都好飲過佢
蝦籽柚皮海參
呢碟都算係好食 海參爽, 但d柚皮都係難食
開屏麒麟肉臘肉桂皇球
呢碟我都已經唔記得咩黎 定已經無上到 d垃圾唔會記住
頭抽黃金雞
水準一般 味道屬其他酒家一樣
千層馬拉糕
呢味甜品最搶手 因為係即刻蒸 亦因為咁 等左20分鐘+
黃金萬兩
咁既價錢, 咁既服務, 咁既質素, 真係賀季季紅賺黃金萬兩啦
總結: 除左環境係好d (因為晚市都係得1/3人係度食飯) 我絕對唔建議黎呢度食飯, 服務劣, 食物差, 價錢貴. 勸說: 試都唔好試!!
(p.s: 唔係咁差我都唔會哂時間打咁長篇野!!)
張貼