雷門鐵板燒放題 (已結業)

申請咗個 a/c 咁耐，真係第一次「的」起心肝寫食評！好老實，味道呢樣野真係見人見至！各有喜惡！好難有準則！不過，服務質素喇喎....我食過咁多間放題，咁啱次次都係2個人去，從來冇因為我只得2個人而限制分配嘅落單數量，總之我寫幾多就俾幾多！唯獨是只有呢一間咁巴之閉要因應人數而決定份量 (e.g. 我寫左要20件三文魚刺身，佢只係俾得4件我)，咁你唔好係張 order 紙度叫我寫要幾多啦！仲有，出菜時間又慢，而且唔準！我落幾多次單都係廢嘅！食放題、自助餐，通常都係初段嘅戰鬥力比較好！佢依家同你玩延長戰，根本唔會食得多！做得放題生意就唔好咁小家啦！