新興棧食家

營業中

休息中

路過以為街坊粥店所以入去試吓，坐低一陣阿姐兇神惡殺話新客唔可以坐呢張枱因為唔識坐會阻住佢哋出入，大佬我兩個人跟返上枱咁坐佢唔阻你但我會阻算數坐另一張囉。睇吓個餐牌價錢真係非一般但心諗出品可能好出眾所以環境同招呼咁差都仲生存到，炒麵$30一碟同普通粥店$10冇分別仲要凍冰冰，油炸鬼$11一碟碎上應該有半條，魚腩係新鮮，粥底亦無加粉但應該落咗重味精未出門口已經好口渴。阿姐嘅存在係考客人EQ落單鬧人漏單又鬧人連收錢都要鬧人，呢餐真係貼錢買難受。