CIAK - All Day Italian (太古城中心) (已結業)

我哋二人食lunch叫咗兩樣嘢, 4 cheeses pizza 同埋 鵝肝意大利飯 。從坐低叫餐等咗45分鐘先上第一個4 cheeses pizza。 黎到發現有條人體的毛髮 黐咗喺啲parma ham上面，超級嘔心。 職員即刻幫我哋去換。 再等多十幾二十分鐘都仲係未有嘢食， 就問下佢哋個鵝肝意大利飯點解咁耐都等咗成一個鐘， 原來佢哋幫佢哋 唔知乜嘢原因 hold住咗個飯， 我記得佢哋話係因為平常顧客都希望個飯最後先上， 所以幫我哋hold住但係佢哋問都冇問過我哋。 講真我哋得兩個人叫兩樣嘢仲使鬼hold咩。 好啦，再等多一陣第二個4 cheese pizza 嚟到, 睇表面check過下冇問題，諗住安心食用。 點知一擺落口咬， 嘩有舊差唔多1cm咁長嘅膠喺裏面， 仲要有啲溶溶哋嘅膠紙黐咗喺啲牙度。 立即叫埋單， 但職員好有心知我哋未食過嘢好肚餓，諗住個鵝肝意大利飯都到咗， 所以請我哋食。 但係個鵝肝飯食咗兩啖都係好唔掂， 啲鵝肝有浸腥味 所以最終都冇食淨係食咗一兩啖就走咗。 咁樣都可以攞到咪資料唔係啩。