影片
更多
2020-07-01
167 瀏覽
首先，我係食之前既5日book左3位，理應係送椰青一個、蠔每人一隻、同埋可以食到10點(正常係食到9點)。因為果陣我最早到，朋友黎緊，所以我揀緊湯底。係2分鐘內有4個員工不停來回問我揀好未，我話未，最後一個員工話「我地啲湯底即叫即做，遲嗌就遲上，明唔明？」我打左個突，心諗洗唔洗咁既態度。然後，職員擺低左3個椰青，一份送既牛，同埋蠔(蠔嗌左6隻)，當我地落單落到8點，個system顯示我地仲有半個鐘就截單，即係食到9點，我地就問下啲員工，點知佢地勁差態度，一個係walkie話「呢枱客究竟係咪可以食3粒鐘架」，另一個叫我開個確認信息比佢地，然後用佢戴住濕既手套既手碌我既mon，前前後後又問又睇左5分鐘，最後搵左個男既員工出黎同我地講，佢話「條款寫得好清楚，假期前係無呢個優惠，所以啲蠔同埋椰青要收返錢」。我地完全orz左，而且椰青非常之圖片只供參考，下面有圖。我地真心食到黑哂面，然後呢位男員工再返轉頭話「拿，一係咁喇，椰青你地就飲左，我唔收你地錢，蠔每人一隻，你地嗌左6隻，我淨係收你地3隻錢，同埋最多比你地食多半粒鐘，即係9點半」，最後仲再補多句話我「其實頭先係門口有同事有印象你有問過食幾耐
然後，職員擺低左3個椰青，一份送既牛，同埋蠔(蠔嗌左6隻)，當我地落單落到8點，個system顯示我地仲有半個鐘就截單，即係食到9點，我地就問下啲員工，點知佢地勁差態度，一個係walkie話「呢枱客究竟係咪可以食3粒鐘架」，另一個叫我開個確認信息比佢地，然後用佢戴住濕既手套既手碌我既mon，前前後後又問又睇左5分鐘，最後搵左個男既員工出黎同我地講，佢話「條款寫得好清楚，假期前係無呢個優惠，所以啲蠔同埋椰青要收返錢」。我地完全orz左，而且椰青非常之圖片只供參考，下面有圖。
我地真心食到黑哂面，然後呢位男員工再返轉頭話「拿，一係咁喇，椰青你地就飲左，我唔收你地錢，蠔每人一隻，你地嗌左6隻，我淨係收你地3隻錢，同埋最多比你地食多半粒鐘，即係9點半」，最後仲再補多句話我「其實頭先係門口有同事有印象你有問過食幾耐」，聽到呢句真心嬲左，我話我係門口無問過，因為你地已經有信息確認，唔好搵野冤枉我。
呢間餐廳係不可一不可再，我未試過食半粒鐘就飽左，唔關一肚氣事。一開波食佢地啲刺身同壽司，食左5件左右就開始飽。啲員工由門口果個到帶位、落單、收野、路過、整魚生既都好似黑面神咁。加湯又黑面，加一次湯同佢講左3次唔該又繼續黑面。我地果碟蠔食淨一隻，個女侍應勁快收走左然後返轉頭擺返低笑笑口話「哎呀仲有一隻」。嗌左豬骨湯底，咸到不得了，同埋完全無材料，骨都無一舊。
食物選擇其實唔多，腸仔最難食，丸又有陣味，啲肉既味又奇怪，其實諗返轉頭佢「施捨」比我地食到9點半其實都好受罪。擺低野食既又勁粗魯，砰砰聲，雪櫃既野飲係最正常，甜品望到都唔想食。
以後請我都唔會再黎食。
張貼
