湯品小棧 (已結業)

本身滿心歡喜諗住食晏飲個靚湯。門口行過好似好正咁，又電視介紹，諗住冇死啦。冇位，唔緊要，買外賣一樣啫，落單果陣都冇乜嘢。一叫完就係惡夢嘅開始多人嘛，我都明，但明明個呀姐得閒，又唔處理下啲單。直到我見到啲人堂食都食完走人覺得奇怪，門口落單個阿叔先提落單呀姐話「有新單」，到我開聲問，先至知佢原來未落單，搞到我白白企咗喺門口廿分鐘，要即刻搵第二間，仲要拿拿聲食完趕返工，門口個呀姐喺我臨走果陣仲要睥住我，好似我喺度嘥咗廿分鐘係我錯咁！