影片
更多
2019-07-02
872 瀏覽
慶生宴第二章。好友係ig send中環「Popinjays」的相我睇，見到佢有火焰scones食，afternoon tea都食過好幾間，最著重就係scones，但煮過的scones從來未見過未試過，好吸引，所以同好友的慶生就去左呢度。佢係舊美利大廈酒店內，搭電梯到25樓之後要轉餐廳的專用𨋢去26樓。環境幾開揚，兩邊落地玻璃，只係景觀都係望高層建築為主，吸引度一般。餐牌好簡單，for 2 $688，如果想飲埋香檳就$988，見難得一試，又好想飲香檳，就豁出去啦。侍應推介Billecart-salmon，呢款香檳果然好順喉，甜甜地好易入口，我地都好滿意，可惜每人只限一杯，唔夠喉。飲住香檳等左陣，兩層架tea set就送上。上層係甜點，下層係鹹點。鹹點有5款，每款有2件，賣相已經算幾精緻，而且各款質素都頗高，最惹味要數圖中左右的咖喱雞絲三文治。甜點數量同鹹點一樣，最有驚喜係strawberry lamington蛋糕，同椰子菠蘿味閃電泡芙，大部分都唔會好甜，除左黑朱古力撻。其實上香檳的時候已經上埋scones，係普通平時食的版本，我地已經覺得奇怪，明明加左$150轉火焰scones，原來蠢
好友係ig send中環「Popinjays」的相我睇，見到佢有火焰scones食，afternoon tea都食過好幾間，最著重就係scones，但煮過的scones從來未見過未試過，好吸引，所以同好友的慶生就去左呢度。
佢係舊美利大廈酒店內，搭電梯到25樓之後要轉餐廳的專用𨋢去26樓。環境幾開揚，兩邊落地玻璃，只係景觀都係望高層建築為主，吸引度一般。
餐牌好簡單，for 2 $688，如果想飲埋香檳就$988，見難得一試，又好想飲香檳，就豁出去啦。侍應推介Billecart-salmon，呢款香檳果然好順喉，甜甜地好易入口，我地都好滿意，可惜每人只限一杯，唔夠喉。
飲住香檳等左陣，兩層架tea set就送上。上層係甜點，下層係鹹點。鹹點有5款，每款有2件，賣相已經算幾精緻，而且各款質素都頗高，最惹味要數圖中左右的咖喱雞絲三文治。
甜點數量同鹹點一樣，最有驚喜係strawberry lamington蛋糕，同椰子菠蘿味閃電泡芙，大部分都唔會好甜，除左黑朱古力撻。
其實上香檳的時候已經上埋scones，係普通平時食的版本，我地已經覺得奇怪，明明加左$150轉火焰scones，原來蠢左，加$150係額外再畀多兩件scones即場煮，即係我地前後叫左4件，每人食兩件，一件普通，一件火焰，後來侍應話，如果只想每人一件，而又要轉火焰版，可以加$90 upgrade就得，唔駛撐到咁飽。
講返個scone，普通版係一件有提子，一件冇，附上朱古力cream同柚子椰子cream，兩種cream都已經溶溶地，口感一般，而且太甜，我都係覺得配士多啤梨jam襯d。scone本身比較乾，用叉戳開會容易散開，濕潤返d比較好。
普通版一般，唯有寄望火焰版。醬汁可以選血橙酒或者車厘子，我地選了大部人都選的血橙酒。侍應會推車係你面前即場煮，落酒的時候會火光熊熊，係影相好時機。scones吸收左醬汁會腍身一點，味道酸酸甜甜，加左橙皮亦增添香氣，唔會話非常好食，但確係少見的做法，都可以一試。
呢間餐廳gimmick甚多，除左火焰scones，食到尾侍應會拎住鳥籠逐枱去畀你㨂隻朱古力蛋，扑開佢會有張字條，好彩的話會有獎（唔知係乜），冇獎都會畀句金句字條過你，有得食有得玩又有得抽獎，一舉三得。
如果係為慶生而去，店方都會安排插支蠟燭同寫生日牌。
Tea set會包一杯飲品，有黑茶、烏龍茶、香草茶、中式茶、花茶、咖啡等等，我點左Latte，有靚靚拉花，味道都唔錯。
呢度價位偏高，值唔值得來第二次會有點保留，始終質素唔算超班，但勝在環境、餐具、gimmick都幾有睇頭，來一次試試都無妨。
張貼
