正宗上海生煎皇后麵館 (已結業)

去開深水埗，今次去試新嘢，食上海麵，門口嘅裝修已經同同區嘅好唔同，入到去，以為去咗Café，裝修以白色為主，好光鮮，Lunch去到，有午餐套餐，可以以優惠價叫一個主餐加一款小食，夏天喜歡食拌麵，所以選擇了山東手撕雞同招牌炸鍋貼，再加咗杯凍檸(+$2)。山東手撕雞($48)下面係麵，上面雞，出面嘅手撕雞好多時都係白色的，個味全靠個汁，呢到嘅手撕雞係豉油雞來的，所以好入味，又唔辣，麵嘅份量都好足夠，配合埋個醬汁都不錯招牌炸鍋貼($15)長方型嘅鍋貼，炸至金黃色，好香脆，而且仲好有內涵，材料足，要提一提，上碟時好熱，要小心進食久不久都會去深水埗買手作材料，依家又多一間食店了﹗