加拿大餐廳 (已結業)

復活節假期,唔想出去同人逼,決定搵埋女朋友既屋企人係區內搵間人少少既地方食個晚飯就算,咁岩又行完西寶城,所以決定去加拿大餐廳...見到門口個感覺似係舊式既西式餐廳,一心期待佢地既羅宋湯,所以叫左個西冷牛扒鐵板餐($68),羅宋湯一上檯,賣相同過往係舊式西餐廳見既一樣,但飲落...真係好啖,好明顯水落得太多...完全無味...慶幸我個碗比較多疏菜,我見到有d連疏菜都冇...之後再奉上牛油蒜蓉多士,但過份地油,一拎上手成手都係油,大家食一食都已經放番低...西冷牛扒上檯了,一早已經淋好汁上檯,我要既係薯菜,有半個焗薯同一個小蕃茄,西冷牛扒,切落就好軟身,但食落,亦係啖而無味...至於我女朋友叫既大蝦牛柳意粉,大蝦有兩隻,女朋友分左一隻大蝦俾我,食落都係好啖口,而且好細隻...反而係杯奶茶比較好飲,而且最後奉送雪榚做甜品...