My Way Homemade Pasta (已結業)

下午茶來到這家標榜自家制日式蛋面。坐低無耐侍應走過來想介紹一下這裏廚師歷史，心諗唔係麻，我一口拒絕，如果背後有一食物故事，我建議印在餐牌上比較好和更吸引，當然首先要食物有一定水準和口碑先寫出來啦！今次叫左日式卡邦尼自家制蛋麵，賓尼迪蛋跟沙律。日式卡邦尼自家制蛋麵，麵條口感鬆散，味道一般，以卡邦尼命名，芝士汁需要再收乾一些，味道會變濃郁，所以這碟麵，個人認為未去到要走到客人面前講故事情度，可能我唔識欣賞。賓尼迪蛋跟沙律，這個反而做得唔錯，好味。餐飲叫左咖啡，食完野未到，侍應話煮緊，心想唔通是蒸漏咖啡！但真估唔到，這杯只是有味既水，講不上是咖啡！