翠華餐廳 (已結業)

Lunch搵食，唔知食咩好既時候通常我們都會黎到翠華。今日既例餐是草莓豬扒飯或意粉配紅或白湯和餐飲($68)。士多啤梨配豬排？未試過啵！好新鮮的配搭，一於就試呢個！隻碟一上枱，望落去同平時冇分別既，我還以為會有一塊塊細切的士多啤梨在汁入面，想像的往往同現實有出入。不過的確聞到濃郁的士多啤梨味。切好豬排試一試先！豬排和平時的冇分別，是醬汁甜甜的，倒不像加了新鮮的士多啤梨去煮，少少果肉都吃不到，好像拌入士多啤梨的果醬一齊煮，普普通通，甜甜的豬排另一個口感。每碟有兩塊豬排，其中一塊好肥，見到肥膩膩的肥膏在肉邊。難得的都有好幾舊西蘭花，菜都ok幾好食。這碟其實不太值得試，只是個菜名取得有綽頭，同平時的分別不大，這碟索價$68不值。