影片
更多
2005-10-10
2 瀏覽
某個星期日響度食晚飯, 有人事先已經訂左菜, 係個十二位用既套餐. 我地其實有成十五人, 初頭都驚唔夠, 點知後來係有剩, 可想而知份量都好足.量就夠, 質方面就普通, 乳豬偏肥, 皮唔脆; 海鮮卷太乾爭爭; 高湯翅算係咁, 料多亦唔算太味精; 蒸多寶魚都幾嫩滑; 狗不理熱辣但太油膩. 最正係壓軸既壽包, 大大隻, 賣相靚, 皮鬆軟, 仲有成隻漏油蛋黃響入面. 可惜在座多人懶健康咁, 挑晒d蛋黃出黎, 有好此道者見狀大叫心痛, 哈!最差係服務, 其實唔算好多客, 高峰時有七、八成掛, 但人手不足, 好幾次(係「幾」次!) 侍應明明見到我地揚手, 都完全無反應. 喂, 你唔得閒, 都向我遞遞手示意睇到我丫, 搞到我地好似傻佬傻婆咁起勢揮手無人理.既然食物質素一般, 差勁既服務就成為關鍵, 決定左如無意外既話應無下次.
量就夠, 質方面就普通, 乳豬偏肥, 皮唔脆; 海鮮卷太乾爭爭; 高湯翅算係咁, 料多亦唔算太味精; 蒸多寶魚都幾嫩滑; 狗不理熱辣但太油膩. 最正係壓軸既壽包, 大大隻, 賣相靚, 皮鬆軟, 仲有成隻漏油蛋黃響入面. 可惜在座多人懶健康咁, 挑晒d蛋黃出黎, 有好此道者見狀大叫心痛, 哈!
最差係服務, 其實唔算好多客, 高峰時有七、八成掛, 但人手不足, 好幾次(係「幾」次!) 侍應明明見到我地揚手, 都完全無反應. 喂, 你唔得閒, 都向我遞遞手示意睇到我丫, 搞到我地好似傻佬傻婆咁起勢揮手無人理.
既然食物質素一般, 差勁既服務就成為關鍵, 決定左如無意外既話應無下次.
張貼