LEMMIE Lemon Tea

營業中

休息中

同朋友一行三人，每人嗌咗一杯鴨屎香檸檬茶半糖少冰。製作期間見到個店員淨係落咗三片仔檸檬，跟住加咗幾次冰，見到個比例係好似好多冰好少茶極少檸，都諗緊會唔會好淡，但都相信人哋嘅專業。但大家飲完第一啖一齊靜咗，然後第一個發言話好似飲緊水，第二個話好似飲緊凍檸水，而我覺得係平時飲完杯檸茶剩低啲冰溶咗之後飲嗰啲水咁既味。飲多幾啖飲真啲，只有唔知來自茶定檸既澀味，冇茶香茶味，都冇檸檬味，好淡無乜味。我哋三個都係手打檸檬茶愛好者，周圍去試唔同舖既鴨屎香檸檬茶，大家都話未試過咁難飲，好失望，唯有當自己今日健康啲係飲緊水/凍檸水。喺葵廣係咁以行咗一個圈，見到有好多間新嘅飲品店，好多都有賣手打檸檬茶，強烈建議大家試其他。