影片
更多
2022-04-11
198 瀏覽
喺北角區想食飯食得舒服啲，都會嚟到擁有海景嘅北角匯🌊 不過大部分食肆都偏貴，好處係坐得舒服，空間大唔使同人迫😌 今次嚟到以蛋做主題嘅「 たまご園 」，午市套餐會抵食啲，包餐湯沙律，賣相唔錯但味道普通，只可以一戰🤨《 燴雞肉蛋包飯 》 $88 3.5 / 5滑嫩嘅旋轉蛋原來內有乾坤，飯底係用瘦肉、蘿蔔等材料煮成嘅燉飯，較濕潤，不過幾香🤤 汁醬偏稀，雞肉份量多但肉質頗柴口🥲 《 親子丼 》 $78 3.5 / 5通病係飯底濕，加上汁醬偏稀，所以食落口感一般🙁 勝在雞肉同蛋份量多，醫肚之用～《 櫻花草莓鮮奶 》 + $19 4 / 5做得幾好嘅漸層，同埋面頭有士多啤梨百力支做點綴👍🏻 唔算太甜，發揮正常🍓《 蝶豆花黑加侖子 》 +$19 3 / 5唔係太飲到黑加侖子味，可能溝得太多水，味道淡，係賣相顏色幾靚😵💫最後想提及服務態度方面，店員經常喺我哋食嘢傾偈期間，啲野都未食晒就想收碟，當日其實客人唔多，我地又唔係食得耐（打工仔都係得一個鐘食飯時間啫），可以俾多少少空間食客好啲😵💫———————————————🏠環境舒適度：💛💛💛💛👅舔脷回頭度：💛💛💛📸打卡able度：💛💛💛🙇🏻♀️
《 燴雞肉蛋包飯 》 $88 3.5 / 5
滑嫩嘅旋轉蛋原來內有乾坤，飯底係用瘦肉、蘿蔔等材料煮成嘅燉飯，較濕潤，不過幾香🤤 汁醬偏稀，雞肉份量多但肉質頗柴口🥲
《 親子丼 》 $78 3.5 / 5
通病係飯底濕，加上汁醬偏稀，所以食落口感一般🙁 勝在雞肉同蛋份量多，醫肚之用～
《 櫻花草莓鮮奶 》 + $19 4 / 5做得幾好嘅漸層，同埋面頭有士多啤梨百力支做點綴👍🏻 唔算太甜，發揮正常🍓
《 蝶豆花黑加侖子 》 +$19 3 / 5
唔係太飲到黑加侖子味，可能溝得太多水，味道淡，係賣相顏色幾靚😵💫
最後想提及服務態度方面，店員經常喺我哋食嘢傾偈期間，啲野都未食晒就想收碟，當日其實客人唔多，我地又唔係食得耐（打工仔都係得一個鐘食飯時間啫），可以俾多少少空間食客好啲😵💫
———————————————
🏠環境舒適度：💛💛💛💛
👅舔脷回頭度：💛💛💛
📸打卡able度：💛💛💛
🙇🏻♀️服務滿意度 ：💛💛
———————————————
張貼
