影片
更多
2022-08-16
702 瀏覽
自從屯馬線開通後，去土瓜灣搵食真係方便左好多。除了街坊小店外，其實近年區內亦開左唔少新 Café 同特式餐廳。最近又喺北帝街搵到間親民價嘅西式冰室，餐廳門面光鮮企理，店內陳設簡約，配上一室柔和嘅色調，感覺清新舒服。店舖主打西式料理，午餐選擇非常豐富，由意粉、薄餅、焗飯、滑蛋包飯，以至魚柳包、吐司、甜品及飲品等，應有盡有。點左千島醬海鮮比薩 ($68) 同 菠蘿鮮茄三層芝士焗豬扒飯 ($56) 各一。Pizza 即叫即焗，上桌時仍熱辣辣，批邊完整香脆，餅心柔軟，咬下帶點煙韌。面頭嘅 Toppings 用料好豐富，有魷魚圈、粟米、紫洋蔥、蘑菇、菠蘿同火箭菜等，配上甜甜酸酸嘅千島醬，令人胃口大開。豬扒飯同樣係即叫即做，好有誠意。豬扒有兩塊，非常足料，肉質爽嫩有嚼勁。炒飯底蛋絲鬆香，米飯也粒粒分明，有鑊氣！醬汁濃稠適中，茄味鮮酸，加上三層芝士，芝香滿溢，令人吃得啖啖滋味。所有套餐均贈送熱飲，不過亦可以補錢轉其他特飲。點左樽裝冷萃咖啡 (+$18) 同 綜合水果紅茶 (+$24)，水果紅茶賣相好吸引，入面嘅材料有士多啤梨、檸檬、青檸、藍莓、火龍果同話梅等，入口好 fresh，充滿夏日氣息。跟餐
最近又喺北帝街搵到間親民價嘅西式冰室，餐廳門面光鮮企理，店內陳設簡約，配上一室柔和嘅色調，感覺清新舒服。
店舖主打西式料理，午餐選擇非常豐富，由意粉、薄餅、焗飯、滑蛋包飯，以至魚柳包、吐司、甜品及飲品等，應有盡有。
點左千島醬海鮮比薩 ($68) 同 菠蘿鮮茄三層芝士焗豬扒飯 ($56) 各一。
Pizza 即叫即焗，上桌時仍熱辣辣，批邊完整香脆，餅心柔軟，咬下帶點煙韌。面頭嘅 Toppings 用料好豐富，有魷魚圈、粟米、紫洋蔥、蘑菇、菠蘿同火箭菜等，配上甜甜酸酸嘅千島醬，令人胃口大開。
豬扒飯同樣係即叫即做，好有誠意。豬扒有兩塊，非常足料，肉質爽嫩有嚼勁。炒飯底蛋絲鬆香，米飯也粒粒分明，有鑊氣！醬汁濃稠適中，茄味鮮酸，加上三層芝士，芝香滿溢，令人吃得啖啖滋味。
所有套餐均贈送熱飲，不過亦可以補錢轉其他特飲。點左樽裝冷萃咖啡 (+$18) 同 綜合水果紅茶 (+$24)，水果紅茶賣相好吸引，入面嘅材料有士多啤梨、檸檬、青檸、藍莓、火龍果同話梅等，入口好 fresh，充滿夏日氣息。
跟餐 +$16 可以追加甜品，咁抵，當然唔可以錯過。揀左意大利栗子法式布朗尼 同 柚子芝士蛋糕。
栗子蓉香醇綿密，頂頭仲有原粒栗子作點綴，配上中間輕盈嘅忌廉奶油，口感甚佳。芝士蛋糕亦屬水準之作，濃郁芝士中散發住陣陣清新嘅柚子香，美味。
張貼
