我是酸奶君 (已結業)

平時飲開既手搖飲品都係珍珠奶茶、奶蓋水果茶之類。第一次係香港見係以酸奶為主既手搖飲品店，所以貪新鮮買黎飲。呢間可以用QR Code落單，好方便。飲品有五大類別，我地揀左吃米酸奶同酸果酸奶類別。吃米特濃酸奶$35酸奶入面有紫米同oreo，本身冇額外加糖，當食到oreo既甜味就岩岩好，而且多左唔同既口感。莓果粒粒$39飲品係少女既淡粉紅色，食到唔少士多啤梨肉，好清新既感覺，唔會太膩，亦都冇額外加糖。我覺得呢間感覺上好健康，飲完冇乜罪惡感。