鉄皇子小賣所 (已搬遷) 新店位置

放假懶得煮野食，近近哋落樓下買個飯，行過幾次鉄皇子已經想試，今日就去呢間啦。由以前鐵板燒轉咗行做鐵板外賣，一個飯都係五十幾蚊起，價錢相當貼地👍睇咗陣餐牌，決定要兩個飯加個小食，再問下師傅有冇得炒碟菜添😋⭐鐵板鰻魚丼師傅話即叫即整可以坐低慢慢等，見住佢開爐，估唔到食個外賣都可以咁型😆即刻攞個手機出嚟拍下片先。鰻魚飯有整整一條鰻魚，好香口，仲有甜甜嘅鰻魚汁餸飯，真係好好食😍⭐鐵板牛肉丼另一個叫左牛肉飯，師傅攻架十足，三兩下手勢就整熟啲肥牛啦，賣上十分吸引😋牛肉飯又係好好食，仲有蒜香添。⭐鐵板牛肉薄燒燒緊嘅牛肉薄片包住蔥蒜，捲起再加醬汁，色香味俱全，搞掂就可以入合了😆咬落爆汁香口，又係正。⭐鐵板炒雜菜想要碟菜，師傅就提議整個炒雜菜，主要有椰菜、紅蘿蔔、洋蔥同櫻花蝦等，睇住師傅炒兩下再落蓋焗一焗，啲香味隨即飄出來，聞到已經好想食，熱辣辣香噴噴好吸引，啲椰菜爽脆甜，仲有蝦乾嘅鹹香鮮味，正喎🤤又咁好睇嘅視覺效果，加上食物好食價錢貼地，可以多多來幫襯了👍