Alley Coffee

營業中

休息中

其實嚟cafe無論係想飲靚啡或者打卡好，最終目的都係想chill下啫。 話說有日想坐低靜靜地睇陣書，嚟到嗰陣大約係閒日下午四點，有一兩枱客，環境大致上係靜嘅，咁我就坐低點咗杯dirty同埋件芝麻cheesecake。公平啲先講食物啦，dirty幾好飲嘅，但係個芝士蛋糕... 如果唔係黑色嘅話，我唔會食得出佢係芝麻味。食物嚟到冇耐，有個唔知係老闆定員工嘅阿叔坐低咗係cafe嘅中心位置係度食麵，跟住就開始同班baristas係度大聲講大聲笑，完全打斷曬我睇書嘅心情，唔講我以為呢度係間茶餐廳，最弊就係我帶埋耳機都仲聽到佢哋係度嘈... 一間精品咖啡店唔應該淨係著重係咖啡嘅品質，仲要顧及客人品嘗嘅過程，如果唔係只會浪費咗杯好啡。你咁嘈法同嗰啲影相影到杯咖啡都凍曬嘅人有咩分別，都係唔識得尊重自己同埋整咖啡俾你飲嘅人。