Ocio (煙廠街) (已結業)

今日嚟旺角食下午茶，見到呢間OCIO 有好多特色甜品🍮🍈奥斯密瓜雪山熱香餅🥞賣相好吸引，底下係半隻蜜瓜，上面放咗兩層熱香餅，加咗一大球雲呢拿雪糕🍨及星星粟米脆粒 ⭐️ ，中間仲有蜜瓜啫喱。採用的係中國糖瓏瓜，皮薄肉厚，入口清甜爽口，淡淡爆汁。熱香餅係類似疏乎厘嘅質感，質感軟綿綿，入口有半溶嘅效果，配上Creamy嘅雲呢拿雪糕，半溶後好似醬汁咁，夾埋蜜瓜同熱香餅一齊食。雜莓乳酸梳打🍓使用蔓越莓和草莓再加乳酸梳打，酸酸甜甜，底下有果肉，梳打氣泡份量幾多，夏日消暑恩物下午茶時間嚟到都幾多人，不過店員都可以迅速安排座位，上菜速度快，餐廳環境比較狹窄。