影片
更多
2013-06-16
23 瀏覽
有幸獲邀出席試食 Häagen-Dazs™夏日限定版雪糕口味發佈活動，自從上次參加過 Häagen-Dazs™ 尊貴雪糕鑑賞會之後，更認識和欣賞 Häagen-Dazs™ 雪糕，所以今次都好期待有什麼新雪糕甜品推出。有關方面先安排和大家玩遊戲，而參加嘅 Blogger 就要矇住眼去試食新口味雪糕，再選出有關嘅食材，有啲似我哋上次 Häagen-Dazs™ 雪糕原材料嘅測試。跟住就到咗今日嘅主角出場，Haagen Dazs™全新推出四款新口味堂食嘅雪糕甜品，賣相精美，最重要係我見到有我至愛嘅 Berries 口味，嘻嘻。「月影迷情」(Moon Shadow) $102估唔到我第一次食香蕉船就係呢個「月影迷情」，哈哈，因為我平時唔多鍾意食香蕉甜品。以微微烤過嘅大大條香蕉，再淋上焦糖醬，伴著三種不同口味嘅雪糕，包括香蕉朱古力蛋糕雪糕：當中嘅朱古力蛋糕係來自英國，再混入哥斯達黎加的香蕉蓉同來自比利時嘅香滑朱古力醬，香蕉味天然香濃，真係好似食緊新鮮香蕉；比利士朱古力雪糕：朱古力香濃幼滑，伴食香蕉朱古力蛋糕雪糕，更添朱古力味；抹雪糕茶：抹茶味清新甘甜，可以中和一下朱古力和香蕉的甜味。而伴碟還有棉花
有關方面先安排和大家玩遊戲，而參加嘅 Blogger 就要矇住眼去試食新口味雪糕，再選出有關嘅食材，有啲似我哋上次 Häagen-Dazs™ 雪糕原材料嘅測試。
跟住就到咗今日嘅主角出場，Haagen Dazs™全新推出四款新口味堂食嘅雪糕甜品，賣相精美，最重要係我見到有我至愛嘅 Berries 口味，嘻嘻。「月影迷情」(Moon Shadow) $102
估唔到我第一次食香蕉船就係呢個「月影迷情」，哈哈，因為我平時唔多鍾意食香蕉甜品。以微微烤過嘅大大條香蕉，再淋上焦糖醬，伴著三種不同口味嘅雪糕，包括香蕉朱古力蛋糕雪糕：當中嘅朱古力蛋糕係來自英國，再混入哥斯達黎加的香蕉蓉同來自比利時嘅香滑朱古力醬，香蕉味天然香濃，真係好似食緊新鮮香蕉；比利士朱古力雪糕：朱古力香濃幼滑，伴食香蕉朱古力蛋糕雪糕，更添朱古力味；抹雪糕茶：抹茶味清新甘甜，可以中和一下朱古力和香蕉的甜味。而伴碟還有棉花糖，果仁，朱古力布朗尼和士多啤梨，食落有不同層次，質感豐富。
「夏日熱情派對」(Summer Fiesta) $109未食就已經愛上，兩種不同口味嘅半圓形雪糕，拼成一個新星球般，可愛別緻。最開心係用咗新口味「芒果紅桑子雪糕」，芒果和紅桑子都係我嘅至愛，而今次更加選用來自印度的上乘芒果及歐洲的紅桑子醬製成，芒果特別甜美，加上紅桑子的莓香，好正呀！仲有我至愛嘅 Summer Berries 仲夏野莓雪糕，真係莓味十足呀！而伴碟的還有三種雪葩口味雪糕，檸檬，紅桑子同芒果，口味清新，樣樣都係我平時鍾意食，嘻嘻！而且仲有哈蜜瓜，烤菠蘿，士多啤梨，奇異果，顏色繽紛，充分表現出夏日嘅熱情和喜悅，係我必食之選。
「芝士誘惑」(Cheese Temptation) $97雲石芝士蛋糕上鋪滿了士多啤梨，已經令我諗起士多啤梨芝士餅雪糕，估唔到今次除咗有士多啤梨芝士餅雪糕，仲有新口味「熱情果芝士餅雪糕」，熱情果口味清新，加上比利時芝士餅和來自英國的碎餅，就好似食緊一個實實在在嘅芝士餅蛋糕。雲石芝士蛋糕，熱情果芝士餅雪糕，士多啤梨芝士餅雪糕，加埋就係「芝味三重奏」，真係啱晒鍾意食芝士餅口味嘅朋友。兩款芝士口味雪糕再配上熱情果和士多啤梨伴食，味道更突出。
「奇幻艾菲爾」(Fantasy Eiffel) $88層層疊嘅雪糕甜品，可以一次滿足晒你嘅慾望，哈哈。有新出嘅「岩鹽焦糖雪糕」，香滑的焦糖雪糕配合來自歐洲的岩鹽焦糖醬和焦糖脆，估唔到係出奇地夾，又真係幾好食。矜貴的岩鹽更能帶出焦糖的濃郁，再配上香脆窩夫，朱古力布朗尼，棉花糖，層次十足。
如果未能品嚐堂食甜品，Häagen-Dazs™ 都提供咗兩款外賣甜品杯嘅，有個「月影迷情」嘅變奏版「朱古力夢幻樂園」(Chocolate Nederland) $65，同樣有香蕉朱古力蛋糕雪糕和比利士朱古力雪糕，配以香蕉，比利士朱古力雪糕，香脆窩夫同棉花糖。另外一個就係「夏日熱情派對」嘅變奏版「芒果狂熱派對」(Mango Viva) $65，有芒果紅桑子雪糕，芒果熱情果雪糕，配檸檬，芒果同紅桑子雪葩，伴以水蜜桃同香脆窩夫。夏天除咗雪糕甜品，又點少得特飲，今次 Haagen Dazs™ 都推出堂食仲夏特飲，當中亦有我至愛嘅 Berries 系列。
「仲夏香芒樂園」(Summer Mango Paradise) $65
新口味芒果配紅桑子特飲，顏色悅目，伴上紅桑子和及檸檬雪菓，同埋水蜜桃，很清新香甜，飲落真係涼透心。
「非常歡莓派對」(Very Berries) $65我至愛嘅 Berries 特飲，仲夏野莓特飲加上仲夏野莓雪糕，桑子雪菓，同粒粒野莓，ALL Berries Happy Together，哈哈！仲要鋪滿個杯，真係好吸引！
「情迷燕尾服」(The Tuxedo) $65紳士特飲？咁女士又飲唔飲得？比利時朱古力特飲配曲奇雲呢拿雪糕，大大個朱古力煲呔，再以餅乾作禮帽，又真係幾有型，嘻嘻！
「抹茶愛漫遊」(Mat Cha Wandering) $65綠茶紅豆特飲配香濃抹茶，雲呢拿雪糕同埋紅桑子雪菓，紅紅綠綠，又幾搶眼。綠茶同紅桑子雪菓又幾夾，因為加咗紅桑子雪菓，所以我都幾鍾意呢個特飲，哈哈。
同雪糕甜品一樣，Häagen-Dazs™ 都提供兩款外賣仲夏特飲。有「仲夏香芒樂園」嘅輕量版「香芒情迷」(Mango Fiesta) $54，芒果特飲配上芒果熱情果雪糕。另外就係「非常歡莓派對」嘅輕量版「莓果至愛」(Berries Lover) $54，紅桑子特飲配士多啤梨雪糕。今次 Häagen-Dazs™ 夏日限定版雪糕口味真係幾特別，又討我歡心，在此再多謝有關方面嘅邀請，期待日後更多新口味推出。
張貼
