秀吉 (已結業)

燒餅套餐A (燒餅+炒麵)以前好鍾意係cb sogo間秀吉食炸薯餅，因為咁，次次都只會買薯餅。黎到tst sogo foodcourt 無野想食，見係秀吉自然想揀呢間多d啦，而且又有唔少人食緊。八爪魚丸無興趣，一於試下最平既套餐A啦。剛落單都未找錢，另一個店員已經俾成個餐盤我。真係快到哩...心都涼了一半，希望d食物唔好放左一段時間凍冰冰啦。燒餅睇落幾大幾厚，但入面除左椰菜就好似無其他料，面頭既燒汁好咸，食完真係狂飲水。炒麵份量似乎幾少下，不過落左唔少油，好快就滯。同樣都係有椰菜，少量洋蔥同豬肉。