燒房焗 (已結業)

Item: 燒房焗
Rating: 5
Author: MirandaHobbes

The Grill Station

12 食評

味道

環境

服務

衛生

抵食

3109

跑馬地

$101-200

日本菜多國菜爐端燒廚師發辦居酒屋

MirandaHobbes

等級1

每次嚟哩度都有好多驚喜!! 幾年無試, 搬左去跑馬地, 而家menu 比以前多左好多嘢, 兩個人一次真係試唔晒...Happy Hour 係 16:00至20:00, 之後就22:00至02:00, 我地就啱啱係後段宵夜 Happy Hour, 有好多嘢食都特價!! 先嚟前菜芥末八爪魚! 有啲好清新嘅青瓜絲係底同青蒽係面, 食落正好中和一下芥末八爪魚強烈嘅味道, 好!仲叫左今日嘅 Special, 薯仔沙律. 可能好多人覺得薯仔沙律係啲 cheap 嘢, 但其實係居酒屋必食之選 (如果係日本嘅話).. 哩個薯仔沙律 creamy 得嚟又唔黏口, 有粒粒薯仔、九州雞蛋、薄切青瓜、紅蘿蔔 (但卻無紅蘿蔔那種乞人憎的青味), 仲有少少新鮮洋蒽嘅辛口中和左種本來薯仔比人 heavy 嘅感覺, 都只係 $48, 的確抵.既然係 Happy Hour item 之一, 點可以錯過大根煮! 聽聞係日本青頸大根, 好甜好清, 湯汁唔太濃, 味道啱啱好! 配嘅黃芥末係唔係通常用好 "供鼻" 那種, 是有啲咸味、溫和嘅黃芥末, 加少少係大根上面, 味道更有變化.好易忍唔住, 連湯都飲埋.哩啲 "自私" 嘢

仲叫左今日嘅 Special, 薯仔沙律. 可能好多人覺得薯仔沙律係啲 cheap 嘢, 但其實係居酒屋必食之選 (如果係日本嘅話).. 哩個薯仔沙律 creamy 得嚟又唔黏口, 有粒粒薯仔、九州雞蛋、薄切青瓜、紅蘿蔔 (但卻無紅蘿蔔那種乞人憎的青味), 仲有少少新鮮洋蒽嘅辛口中和左種本來薯仔比人 heavy 嘅感覺, 都只係 $48, 的確抵.

既然係 Happy Hour item 之一, 點可以錯過大根煮! 聽聞係日本青頸大根, 好甜好清, 湯汁唔太濃, 味道啱啱好! 配嘅黃芥末係唔係通常用好 "供鼻" 那種, 是有啲咸味、溫和嘅黃芥末, 加少少係大根上面, 味道更有變化.好易忍唔住, 連湯都飲埋.哩啲 "自私" 嘢都係一人一件穩陣 : ]

免治雞肉棒好多居酒屋都有, 但一般都係捧狀嘅肉餅咁, 但哩度嘅雞肉棒除左爽口嘅雞肉之外仲有適量嘅雞軟骨, 同埋濃甜剛好的燒汁, 加上九州嘅生雞蛋黃, 唔單止唔會覺得 "流", 仲令啱啱燒起嘅雞肉棒加多左份濕潤同埋香甜, 必食之選!!

既然做特價 $98, 又點可以唔試下! 有松葉蟹腳同日本鵪鶉蛋嘅甲羅燒!! 一放低已經聞到勁香嘅蟹羔同燒過嘅甲殼味!! 濃郁嘅蟹羔係無敵的, 撈起鵪鶉蛋又多種甜, 將一梳梳蟹腳同羔放上餅仔上面作為輕食, 既滿足又唔會過飽.

係時候試下哩度嘅名物 : 辣!! 哩度有唔同嘅雞翼, 仲有唔同嘅造法. 今次試個特價簡單版 -- 爆炸雞翼 $30. 個陣辣味係個碟放低已經聞到果種, 個樣都唔係人咁品. 我同朋友一人叫左一隻, 朋友食到眼水都標埋, 我試左一啖已經放棄... 果種辣係香口的, 雞翼亦係皮脆肉嫩, 但實在唔係我哩啲凡人食...

一場嚟到, 朋友話唔可以唔再食佢哋咁多年出晒名嘅 "阿媽唔認得麵" , 而家佢地仲有BB班, 咁就叫左個BB1 試下. 結果都係好辣. 麵係好食嘅, 湯都好味, 唔係個種為辣而喪落辣椒或者辣醬嘅死辣或者咸. 麵下面仲有個九州生蛋, 撈起嚟個湯除左辣咸香仲多左份甜, 充滿辣湯嘅麵當中又夾雜住爽口嘅青蒽同埋微酸帶甜咸嘅泡菜, 係好好嘅配搭.

不過, 我都係食唔到幾啖就辣到停左, 再叫返啲 "正常" 嘢嚟中和下, 於是揀左豚肉生薑燒. 正常食日本菜, 除非午餐, 如果唔係都好易被忽略嘅一道菜. 哩度都造得好唔錯! 見到就覺得好舒服嘅生薑燒, 唔會太多汁 (尤其係果種勁甜嘅燒汁最憎!), 有好新香嘅薑味加上太量新鮮疏菜同埋日本新鮮椰菜絲, 係一道簡單得嚟好細心嘅小品.

最後, 其實已經係飽左, 但都想再食啲.... 就叫左吉列芝士年糕. 因為出面通常見到都係燒或者炸, 吉列就未試過. 好彩有種無明嘅好奇心, 無錯過哩個唔起眼嘅菜式!! 鬆脆而唔油膩嘅薄脆吉列之下就係少少煙韌同微甜嘅年糕, 再嚟係中間好熱有少少咸香嘅芝士. 好有驚喜, 亦係今餐好完滿嘅句號!!! 兩個人, 六百蚊, 好ok !!