UCC Coffee Shop (已結業)

UCC其中最吸引人去食的，莫過於因為有自助沙律，四個人2個套餐，加40元就可以加套餐，套餐包一個沙律、一個餐湯同一個餐飲。我覺得四個人有好處的係，你只要加兩個套餐，四個人就可以分左一人一杯餐飲或一碗餐湯啦！今次就食左煙肉什菇肉醬意粉、白汁蘑菇雞燴飯、煙肉香腸薄餅、魷魚本菇燴飯 (墨魚汁)。白汁蘑菇雞燴飯同煙肉香腸薄餅真係要俾十個讚，白汁蘑菇雞燴飯的白汁調較得入味，雞肉又夠大件，仲食到汁的裡面有D芝士味；至於煙肉香腸薄餅，成塊薄餅上面舖滿左芝士，濃濃的芝士令到薄餅有種香味好吸引。今次的飯聚又令到肚子滿載而歸，全部人將食物清光了！