容記小菜王 (已結業)

平時好少去新蒲崗，咁啱經過，見到這間酒家出面有個牌寫住有特價小菜，最平$38，果日係公眾假期，於是問吓係咪也有做特價小菜，佢話有，立即試吓佢，叫了胡椒豬肚雞煲、翠塘海皇豆腐及南乳蓮藕炆豬手，這些也是屬於$48的小菜，先上胡椒豬肚雞煲，老實講這個份量係比較少，不過$48算係咁，幾香胡椒味，豬肚也算淋，差唔多食晒這碟餸之後就上豬手，這個豬手份量也足，唔會過濃味，豬手啲毛也抆得好亁浄，煮得入味，最後上嘅就係豆腐，但這個豆腐真的等好耐，由落order到上枱差唔多成個鐘，期間我見其他枱的客人也有催餸，有啲等得太耐無等就埋單走了，雖然這個餸等得耐，但煮出來的賣相也很不錯，大大碟，又足料，有啲似食緊䶢嘅豆腐花，豆腐滑就唔係好滑，但也ok，整體而言，這個價錢堅抵，雖然飯同茶位要$15 一位，但拉上補下也是抵，服務也ok，會再幫襯.