十勝牛和食料理

營業中

休息中

本身天水圍天耀商場都有間十勝牛，唔知係咪因為諗住喺Wetland Season Bay開舖，所以由天水圍南搬去天水圍北。十勝牛長期有好多人等位，皆因佢嘅定價冇得輸，食物質素同價錢成正比。汁燒牛仔骨$55有少少筋，肉質算嫩，唔會煎得太熟。七味溫泉蛋雞肉炒飯$45冇乜味，只有微微炒蛋香，好在有隻溫泉蛋撈飯。忌廉汁海鮮菠菜千層麵$52滿滿嘅忌廉汁覆蓋住至少有三層嘅千層麵，海鮮還可以。蟹子沙律(小)$32每次都會叫，平靚正。唔知係咪因為成日有好多人幫襯，職員都冇乜服務質素，態度麻麻。