SENSU (荃新天地) (已結業)

之前食咗下午茶，一路未有心情寫食評。今日終於的起心肝，寫下當天食後感。餐廳座落商場入面，開放式設計，行人經過都見到 餐廳入面嘅裝修。佢嘅裝修以木系森林為主，簡單但有文青feel。青之鵲舍下午茶，網上訂座半價優惠。鹹點甜點各一半，份量唔算特別多，下午茶就啱啱好。鹹點嚟講，牛油果雞肉多士算唔錯，牛油果味足夠，多士還脆。 相反明太子蛋三文治就比較普通。 炸蝦天婦羅唔特別，炸粉算厚。甜點黎講，朱古力撻係比較接受， 朱古力味算濃，但唔愛甜嘅朋友就認為一般啦。 芝士蛋糕唔夠企身，質感一般。整體下午茶味道一般，唔特別出色，只是因為半價價錢試試而已。