牛極 (庇利金街) (已結業)

熱石牛扒真係愈開愈多，受歡迎原因我諗係因為平同埋質素都唔錯，最平七、八十蚊就有交易，今次去呢間都唔例外，每人叫一份牛，價錢已包括沙律、餐湯及白飯，可以去自助區任飲任食🤪.沙律可以自己加醬，而當日去既餐湯係日式牛湯，味道同羅宋湯一樣，不過都幾重牛香同牛味，幾好飲.牛柳 7.5/10餐廳將牛肉先燒至1成再放上熱石比客人，客人隨自己口味決定燒幾耐，我就鍾意食5成🙈食落肉味濃郁，完全不乾，入口唔會太肥膩，整體肉水準不錯，重點真係幾抵食，一定食到飽！