影片
更多
2023-05-29
3118 瀏覽
荃灣大鴻輝大家應該都耳熟能詳，今次發掘到一間既可以品嚐新鮮海鮮又可以自己郁手燒烤嘅餐廳。餐廳主打流水蝦同串燒比食客任飲任食，我同朋友邊玩邊食享受咗一個輕鬆的晚餐。➤🦐生猛流水蝦流水缸設於餐桌旁邊，食客可以任夾任燒，職員仲會不時加蝦，確保充足同生猛，朋友捉得好開心！成功夾到蝦蝦後要放入冰桶凍暈先可以再放上烤爐，調味只係落粗鹽，鮮味已經好突出，蝦肉彈牙爽口，大頭多膏，一定令蝦蝦愛好者愛不釋手。➤🐟多款海鮮任燒任食除咗流水蝦，餐廳的海鮮區任燒任食都係一大亮點。扇貝、生蠔、鮑魚、貴妃蚌、花蟹等等，甚至原條魚都係任夾任食！海鮮新鮮又大隻，我哋落少少蒜蓉牛油辣椒調味，十分惹味。➤串燒如果海鮮唔夠食，餐廳仲有豬牛雞羊等各式各樣的肉類串燒，蔬菜方面就主要有翠玉瓜、菇、茄子、菠蘿、粟米等選擇。串燒配上椒鹽、辣椒粉和孜然粉等多種調味料，風味十足。➤甜品飲品食燒烤一定不少得飲品同甜品，飲品區大概有5個雪櫃之多，有多款汽水、果汁、涼茶、茶飲等等，酒精類就主要係啤酒同韓國燒酒真露。甜品雖然只有杯裝雪糕，但竟然有阿波蘿，甚至有成7,8款口味，令人好想全部試匀。如果有海鮮控的朋友，一定不可錯過蝦蝦燒，任燒任燒2個半
荃灣大鴻輝大家應該都耳熟能詳，今次發掘到一間既可以品嚐新鮮海鮮又可以自己郁手燒烤嘅餐廳。餐廳主打流水蝦同串燒比食客任飲任食，我同朋友邊玩邊食享受咗一個輕鬆的晚餐。
➤🦐生猛流水蝦
流水缸設於餐桌旁邊，食客可以任夾任燒，職員仲會不時加蝦，確保充足同生猛，朋友捉得好開心！成功夾到蝦蝦後要放入冰桶凍暈先可以再放上烤爐，調味只係落粗鹽，鮮味已經好突出，蝦肉彈牙爽口，大頭多膏，一定令蝦蝦愛好者愛不釋手。
➤🐟多款海鮮任燒任食
除咗流水蝦，餐廳的海鮮區任燒任食都係一大亮點。扇貝、生蠔、鮑魚、貴妃蚌、花蟹等等，甚至原條魚都係任夾任食！海鮮新鮮又大隻，我哋落少少蒜蓉牛油辣椒調味，十分惹味。
➤串燒
如果海鮮唔夠食，餐廳仲有豬牛雞羊等各式各樣的肉類串燒，蔬菜方面就主要有翠玉瓜、菇、茄子、菠蘿、粟米等選擇。串燒配上椒鹽、辣椒粉和孜然粉等多種調味料，風味十足。
➤甜品飲品
食燒烤一定不少得飲品同甜品，飲品區大概有5個雪櫃之多，有多款汽水、果汁、涼茶、茶飲等等，酒精類就主要係啤酒同韓國燒酒真露。甜品雖然只有杯裝雪糕，但竟然有阿波蘿，甚至有成7,8款口味，令人好想全部試匀。
如果有海鮮控的朋友，一定不可錯過蝦蝦燒，任燒任燒2個半小時，邊玩邊食，又有豐富串燒選擇，十分滿足！
張貼
