寶哥火鍋味館 (已結業)

今日去左佐敦寶哥火鍋打邊爐我哋揀咗一個$256嘅3小時火鍋放題套餐，包括五款刺身，仲可以任飲啤酒汽水，呢度嘅環境都唔錯，唔算太迫。雪蓮果椰子湯揀呢個湯底係因為貪佢夠滋潤，可以潤下，椰子味好香刺身五款刺身都非常新鮮牛肉呢度啲牛肉都好優質，特級美國肥牛，五香鮮牛肉，我哋揀咗呢兩款牛肉，都各有所長百花釀油條呢個比較特別，相信唔係四圍都有，張蝦膠放上去油條上邊，感覺新鮮墨汁墨魚丸，魚蛋兩款丸都非常彈牙，墨汁墨魚丸墨魚味濃郁Q版山根細細個好特別得意，唔會有油溢味豬仔蝴蝶腩呢個應該係我嘅心水推介，上枱嘅時候其實都已經熟，放落去湯底加熱非常之冧滑，好好味