川熙樓 (已結業)

川熙樓一向川菜水準唔錯，是晚朋友買咗團購，可以去食任食火鍋。兩小時任點任食，仲任飲唔少無酒精飲品，要事先訂座。不過呢間店搬咗去酒店內的新地址後，可能地點比較隔涉，都唔係人氣好旺。酒水可另加$98一位任飲，今晚就同老友飲盡麒麟生啤、清酒、梅酒、威士忌on rock，仲第一次試飲58度二鍋頭，講真就味道麻麻，而且結果飲到太守醉也。川熙樓個火鍋其實唔錯，任食都有幾款湯底任揀。結果揀咗麻辣拼竹笙雜菌鍋，。安格斯牛肉、牛粒同紐西蘭羊肉，水準都相當唔錯，加埋雜丸、午餐肉、魚肉燒賣、蟹棒、芝士腸、雜菜、雜菌…水準唔錯，都係按人頭出份量，都算非常滿意的一餐火鍋～接近滿兩個鐘夠鐘時，原來仲可以落單加火鍋料，真係算係幾有良心。值得推薦。不過川熙樓好似唔係成日有做任食團購，只坐兩個鐘又食得唔盡興，我都係喜歡散叫，睇埋個Menu其實都唔算貴，坐耐啲，盡興啲，自由啲。