金兜記海鮮菜館

營業中

休息中

一年一度嘅大閘蟹又出場啦，搵到好友Coey一齊來撐枱腳任食大閘蟹宴每位$378連埋茶位$14、加一實付每位$432.4限時食兩小時， 8:15pm去到，舖頭入邊人山人海，六點食果場嘅人未走，八點果場嘅人已到，搞到樓面亂糟糟，客人煩躁，侍應都做到顛顛地。每人一碗杏汁燉花膠，因為已經8:30pm，非常肚餓，杏仁味濃郁，好味道花膠都OK啦，隔離枱有位女士大聲呼叫投訴，話呢啲唔係花膠... 質問侍應，服務員都好無奈，其實比呢個價錢嚟呢度任食大閘蟹，你想人哋比乜嘢高質素花膠你呢，啲人真奇怪黃金蝦球、豉油王BB乳鴿、炒臘味糯米飯、薑茶全部我都好鍾意食，覺得好好味，仲略嫌份量唔夠多添，但係望到人哋枱個個都食唔晒，我真係好大食清蒸大閘蟹每次落order都會嚟四隻，我哋兩位好努力咁拆蟹、叫蟹、拆蟹、叫蟹...我哋合共叫咗24隻，每人食咗12隻，食到好攰準時兩小時，10:15pm離坐，雖然我哋每人食咗12隻蟹同埋有熟食，個胃都仲係好空虛，返到屋企都11:30pm，忍口等第二朝食早餐。