味火鍋 (雅仕洋樓)

味火鍋 (雅仕洋樓)尖沙咀亞士厘道12-14號雅仕洋樓地下D號舖及1樓最近一講起打邊爐，朋友都異口同聲大力推介<味火鍋>, 究竟有咩魔力呢，今日真係要嚟試一試，知道係旺角同尖沙咀都有分店，我地今日就試左尖沙咀分店，好睇有訂位入到黎見到都好full, 我地2位職員好好安排左我地坐4人卡位，非常舒適頭盤我地揀左芝士焗波士頓龍蝦，超大隻呀仲要係即叫即整，面蝦鋪滿晒芝士連埋龍蝦肉一齊食就最夾啦。。而龍蝦既肉質非常新鮮彈牙，而且仲有好多羔，大大塊鮮橙色，見到都流晒口水呀椰子鮮雞鍋其實湯底都有成10款，我地最終試左椰子雞鍋，真係無揀錯，離遠已經聞到好清香，真材實料，而雞係另外上既，等湯底滾左先落就最fit，肉質好鮮嫩，真係食到停唔到口和牛拼盤拼盤入面分別有牛小排，牛肩胛，封門柳，牛板腱，造型非常精緻真係睇見都唔捨得食呀，我個人覺得最正係牛小排，勁鮮嫩好重牛肉味時令海鮮拼盤今晚既海鮮有生蠔，鮑魚，海蝦，大蟶子，大蜆，完全無唸個黎任食火鍋都可以食到咁高質又新鮮既海鮮其他既火鍋配料都一樣出色，絕對唔馬虎㗎，我最鐘意呢到各式各樣唔同既丸類，仲有餃類都唔可以錯過