影片
更多
2017-03-07
3074 瀏覽
近一年來，已經幫襯過《潮福》不下四次，不過這間通菜街分店，今晚還是首次到訪。沿著樓梯拾級而上，店面寬廣，佔地全層，而且內裡還有一個小偏廳。隨意選了個卡位坐下，再問店員拿了火鍋餐牌細心研究。新推出的任食火鍋，包自選湯底、刺身拼盤、貝殼盛盆、極尚安格斯牛肉、四款自選海鮮及任食任點火鍋配料。任飲項目有大支裝嘉士伯、朝日啤、青島、各式汽水、竹蔗水及韓式飲品。另外客人亦可往自助吧自取醬料。湯窩方面，選擇豐富，共有9款，包括醉雞、澳門豬骨、麻辣、沙嗲鍋等等，侍應姐姐推介金銀菜豬肺鍋，說非常足料，而且清心潤肺。趁湯窩未滾，先以刺身拼盤打開胃口。刺身分量不多，只得4款，有北寄貝、帶子、八爪魚和希靈魚，幾款刺身雖然說不上特別好吃，但亦屬正常水準。湯窩滾後，立即舀起一碗試試，果然清甜滋潤，最啱用來烚肥牛。接著輪到吃四款自選海鮮，點了生猛大元貝、北韓象抜蚌、蘇格蘭蟶子皇及北韓鮮鮑魚，講真滾住吃當然無清蒸咁原汁原味，幸好幾款海鮮，水準都唔錯。元貝厚身大隻，而鮑魚亦爽彈有咬口。貝殼盛盆分量雖然不多，但內有大小不同的蜆隻，而且隻隻都鮮味不俗，唯獨是食落有沙，要扣點分。至於極尚安格斯牛肉，油花分布均勻，而且切得頗厚
沿著樓梯拾級而上，店面寬廣，佔地全層，而且內裡還有一個小偏廳。隨意選了個卡位坐下，再問店員拿了火鍋餐牌細心研究。
新推出的任食火鍋，包自選湯底、刺身拼盤、貝殼盛盆、極尚安格斯牛肉、四款自選海鮮及任食任點火鍋配料。
任飲項目有大支裝嘉士伯、朝日啤、青島、各式汽水、竹蔗水及韓式飲品。另外客人亦可往自助吧自取醬料。
湯窩方面，選擇豐富，共有9款，包括醉雞、澳門豬骨、麻辣、沙嗲鍋等等，侍應姐姐推介金銀菜豬肺鍋，說非常足料，而且清心潤肺。
趁湯窩未滾，先以刺身拼盤打開胃口。刺身分量不多，只得4款，有北寄貝、帶子、八爪魚和希靈魚，幾款刺身雖然說不上特別好吃，但亦屬正常水準。
湯窩滾後，立即舀起一碗試試，果然清甜滋潤，最啱用來烚肥牛。
接著輪到吃四款自選海鮮，點了生猛大元貝、北韓象抜蚌、蘇格蘭蟶子皇及北韓鮮鮑魚，講真滾住吃當然無清蒸咁原汁原味，幸好幾款海鮮，水準都唔錯。元貝厚身大隻，而鮑魚亦爽彈有咬口。
貝殼盛盆分量雖然不多，但內有大小不同的蜆隻，而且隻隻都鮮味不俗，唯獨是食落有沙，要扣點分。
至於極尚安格斯牛肉，油花分布均勻，而且切得頗厚身，賣相誘人。
任食方面，食物共有六十幾款，簡單點幾款淺嘗，包括有雞脾菇、豬夏青肉、菜肉雲吞、韭菜餃、惠州手打豬肉丸、鮮製牛丸。幾款之中，要特別推介惠州手打豬肉丸同鮮製牛丸，前者豬肉丸用人手打製，豬肉爽滑，咬落點點肉汁擠出，肉味香盛；而後者以鮮牛肉製成，粒粒大小相若，吃下彈牙爽口。
筆者愛吃香口之物，點了山根、潮州炸魚皮同炸香芋件，炸魚皮水準極佳，入口脆身鬆化，一點也不覺油膩，十分滋味；而炸香芋件口感亦不俗，既粉腍又唔鬆散，充滿芋頭香，食味挺不錯。最後以蔬菜和水果作結。
張貼
