牛知己 (已結業)

天氣已經開始凍啊，我諗打邊爐真係冬天嘅必做活動。十下十下，真係好開心🥳。最近去咗元朗嘅牛知己，點左佢哋嘅人氣自選嘅澳洲精選牛板加海鮮放題。套餐入面已經包左特選牛，牛板腱，牛肩肉，黑豚肉，特選豚肉，雞肉等等..好多款用任你選擇😛😛。海鮮就有虎蝦，青口同魷魚等。入座之後佢哋會自動上一碟海鮮同刺身，啲青口同埋蝦都幾大隻，刺身正常👍🏻。自助火鍋當然要出去拎下佢啲嘢食啦，熟食方面見到佢有炸天婦羅蝦炸餃子同咖喱飯。菜類選擇都幾多，丸方面見到佢有大粒嘅魚蛋👻👻。另外飲品同埋甜品選擇都幾多，免費任拎韓國啤酒🤣。打邊爐最開心就係食鴛鴦鍋，點咗佢哋嘅豬骨湯同埋番茄湯，佢個番茄湯越煮就越濃味☺️，整體質素都可以👍🏻，食肉可以食返夠本👏🏼。