影片
更多
2023-06-16
40 瀏覽
放工後約咗朋友去太古行特賣場，血拼之後就梗係要醫肚，上openrice見到附近有間任食火鍋，肚餓加上好耐冇打邊爐，就去咗食。任食火鍋有唔同嘅選擇，我哋揀咗美國極品黑毛豚肉放題，湯底一人一鍋，我揀咗骨膠原美顏玫瑰花膠雞白湯，朋友揀咗昆布鰹魚清湯。餐廳用手機落單，除咗火鍋配料，仲有啲小食炸物可以點。上菜速度好快，五分鐘內已經全部到齊，我哋點左好多野，包括帆立貝、蟹籽墨魚滑、蝦、牛舌、墨魚仔、豚肉、雞腿肉、豚五花肉、青口、雞肉丸、牛肩肉、牛五花……火鍋配料中以黑毛豚肉最令人印象深刻，口感柔嫩，肥而不膩。我哋食完之後即刻再叫多幾碟。雞腿肉都好滑，青口又夠大。出面亦有自助嘅火鍋配料可以拎，有各種唔同嘅蔬菜、丸、麵、烏冬等等。仲有幾個雪櫃分別放咗啲日式小食、新鮮野菜、罐裝飲品、甜品。最後，當然要食日本明治雪條，超級推介海鹽荔枝味，出面好少有嘅味道，食落唔甜，又有香濃海鹽同荔枝味！餐廳價錢合理，性價比高，仲有各式各樣嘅優惠，侍應又會主動加湯，自助火鍋嚟講算唔錯👍🏻
任食火鍋有唔同嘅選擇，我哋揀咗美國極品黑毛豚肉放題，湯底一人一鍋，我揀咗骨膠原美顏玫瑰花膠雞白湯，朋友揀咗昆布鰹魚清湯。
餐廳用手機落單，除咗火鍋配料，仲有啲小食炸物可以點。上菜速度好快，五分鐘內已經全部到齊，我哋點左好多野，包括帆立貝、蟹籽墨魚滑、蝦、牛舌、墨魚仔、豚肉、雞腿肉、豚五花肉、青口、雞肉丸、牛肩肉、牛五花……
火鍋配料中以黑毛豚肉最令人印象深刻，口感柔嫩，肥而不膩。我哋食完之後即刻再叫多幾碟。雞腿肉都好滑，青口又夠大。
出面亦有自助嘅火鍋配料可以拎，有各種唔同嘅蔬菜、丸、麵、烏冬等等。仲有幾個雪櫃分別放咗啲日式小食、新鮮野菜、罐裝飲品、甜品。
最後，當然要食日本明治雪條，超級推介海鹽荔枝味，出面好少有嘅味道，食落唔甜，又有香濃海鹽同荔枝味！
餐廳價錢合理，性價比高，仲有各式各樣嘅優惠，侍應又會主動加湯，自助火鍋嚟講算唔錯👍🏻
張貼
